今期要介紹嘅單位為澳門海擎天三房單位，實用面積約1091呎，全屋為現代簡約設計風格。
業主胡太有個仔仔，對小朋友房間甚有要求，除了特別選用色彩豐富的傢具外，更設置擴大小朋友的活動空間。
客廳牆身設計方面，以兩種風格進行設計，一面以石材為主，一面以木板為主，
雖為兩種唔同嘅設計元素，但一啲都唔衝突，
反而有種相得益彰嘅感覺，互相襯托，令客廳更有現代設計感。
廚房與客廳之間採用門洞嘅形式，哩種半開放模式，既能起到隔斷作用，
又能提高兩者之間嘅空間感，可謂一舉兩得。至於房間方面，以純色為主，
再搭配木質家具，雖簡約，但卻不過時。整體房屋以簡約為主，但卻充滿現代感，
唔同嘅設計元素碰撞一齊，打造出一個簡約之餘，又凸顯質感及生活品質嘅空間。
