信菱寶花園-現代簡約風 (VR睇裝修)

今期要介紹嘅單位為澳門信菱寶花園兩房單位 ，實用面積約981呎。全屋設計風格以現代簡約風為主。門廳花磚設計為門廳及客廳之間起到一個分區作用，亦為地面增添設計元素，豐富整個空間效果。客飯廳設計方面， 利用暖色系油漆去裝飾墻身，令整個客廳俾人一種溫暖感，再以淺木紋家具作為配搭，淺木紋不單能俾人一種明亮感，統一嘅木紋元素，亦能提高空間嘅統一感，在視覺上俾人一種既簡約明亮又統一嘅感覺。再以雲石作為點綴，提高整個客飯廳嘅質感。無主燈設計亦能在纵向空間上俾人一種闊落感。客廳浴室設計方面，以白色、淺灰色雲石作為主要材料，花磚作為點綴，既能提高浴室嘅明亮度，又能豐富浴室嘅設計效果，同時利用墻身作為干湿分離嘅隔斷工具，既能起到分區作用，又能做到空間嘅物盡其用，玻璃除咗能遮擋之外，亦能提高整個空間嘅亮度。兒童房設計方面，利用卡通墻紙去裝飾房間，為房間增添活潑感，減少大型家具嘅使用，從而俾兒童有更大嘅空間耍樂。主人房設計方面，以清新、淡雅為主，家具簡潔造型令整體空間更為整齊統一。