星巒-地中海簡約風 (VR睇裝修)

今期要介紹嘅單位為澳門星巒兩房單位， 實用879呎， 全屋以地中海簡約風格作為主要設計風格。全屋以藍色、白色作為主色調，令整個空間睇起身更為簡潔明亮，系視覺上俾人一種“藍天白雲”嘅感覺。除咗淺色調外，系家具嘅顏色選擇上，同樣選擇藍色，唔同色調嘅藍，從而豐富空間上嘅色彩效果。 而家具材質方面更多選用自然原木、天然石材等，從而營造自然感，再搭配綠植，令整個居住環境充滿自然氣息。兒童房設計方面，以輕家具，高亮度為主，令兒童房能隨孩子一起成長。主人房方面，利用推拉門作為衣帽間與房間之間嘅隔斷，既能起到區域分隔作用，打開時，又能提升房間嘅延伸感。房間家具方面，以簡約為主，雖冇過多嘅裝飾，但卻有種永不過時嘅感覺。露台方面，以綠植休閒椅去裝飾，打造出一個令人感覺舒適休閒嘅空間。